Roberto Mancini: Si Aad U Wanaagsan Ayaan U La Dhaqmay Carlos Tevez.
Tababare Roberto Mancini ayaa meesha ka saaray sheegashada Carlos Tevez oo ku aadaneyd inuu Mancini u la dhaqmay sida eeygii oo kale.
Tevez ayaa ku soo laabtay Manchester talaadadii, isagoo soo gabagabeeyay seddex bilood oo uu Argentina ku sugnaa, ka dib markii lagu helay danbi ah inuu diiday inuu iskululeeyo kulankii Champions League ee Bayern Munich ee bishii September.
Ciyaaryahanka reer Argentina ayaa England tagay xilli uu wareysi dheer siiyay TV Argentina ka soo baxa isagoo kaga hadlay sida xun ee uu Mancini u la dhaqmay.
Isagoo la hadlayay suxufiyiinta ka hor kulanka Europa League ee caawa ay kooxdiisa la ciyaareyso FC Porto, Mancini ayaa waxa uu yiri:
“Gabi ahaanba kuma raacsani Carlos wixii uu sheegay, sababtoo ah marnaba si xun u lama dhaqmin”
“Malaha waa taas bedelkeeda, waxaana u la dhaqmi jiray si aad u wanaagsan”
“Kaliya su’aashaan ayaan ka jawaabayaa kama jawaabayo su’aal kale oo Tevez ah sababtoo ah kulan weyn ayaa ina soo haya”
Tevez ayaanan qeyb ka eheyn kooxd City ee Portugal ku sugan, isagoo bilaabay tababar gooni ah oo uu taam ahaanshihiinsa dib ugu helayo, City ayaan sidoo kale ku soo darin kooxdooda tartanka Europa League.
horufadhi.com@gmail.com
Short URL: http://horufadhi.com/?p=12085
Posted by 
-
Designed by