(Dhagayso) Munaasibad Loo Qabtay Arday Ka Qalin Jabisay Madarasada Imaamu Bukhaari Ee Magaalada Buuhoodle
Munaasibadan oo loogu soo gaba gabaynayey arday dhamaysay xifdinta quraanka kariimka kana baxday madarasada Imaamu Bukhaari ee magaalada Buuhoodle ayaa maanta ka dhacday Hotel-ka Abdi Guray Plaza ee magaalada Buuhoodle, iyadoona munaasibadani ay kasoo qayb galeen Waxgarad, Aqoon yahano, Culumo awdiin, Gudoomiyaha jaamacada bariga afrika faraceeda magaalada Buuhoodle Dr. C/shaafi Axmed Cali, Waalidiin, Maamulayaasha iyo macalimiinta dugsiyada kala duwan ee ku yaala Magaalada Buuhoodle iyo Marti sharaf kale aad u tira badan.
Hadaba munaasibadani oo ahayd mid balaadhan isla markaana lagu daah furay aayaadka quraanka kariimka iyo wacdi diiniya ayaa waxaa ugu horeynba halkaasi ka hadlay maamulaha madarasada Imaamu Bukhaari Maxamed Xasan, isagoona ka warbixiyey marxalidihii ay soo martay madarasadani iyo tirada guud ee ardayda ka qalin jabisayba.
Waxaa iyana sidoo kale halkaasi ka hadlay qaar kamida waalidiinta dhalay ardaydani maanta qalin jabisay, iyagoona ku dheeraaday dadaalkii ay lasoo mareen caruurtani maanta qalin jabisay.
Gudoomiyaha Jaamacada Bariga Afrika faraceeda magaalada Buuhoodle Dr. C/shaafi Axmed Cali oo isna halkaasi ka hadlay ayaa si weyn u soo dhoweeyey ardaydani maanta ka qalin jabisay madarasadani Imaamu Bukhaari ee magaalada Buuhoodle.
Waxaa iyana halkaasi hadlay Sheekh C/rashiid Xaaji Samatar, Jaamac Xasan Cabdi oo kamida qurba joogta gobolka Cayn iyo marti sharaf kale oo aad u tira badan, kuwaas oo dhamaantood si weyn u soo dhoweeyey ardaydani maanta qalin jabisay.
Hadaba ugu dambeyntii ayaa munaasibadani waxa abwaan C/salaan C/laahi Jaciir oo kamida abwaanada gobolka Cayn uu halkaasi kusoo bandhigay tix gabay ah oo ka tarjumaysa munaasibadani maanta.
Munaasibadani ayaa kusoo dhamaatay jawi dagan, iyadoona dad weynihii ay kasoo qayb galay munaasibadani ay si weyn u soo dhoweeyeen ardaydani maanta ka qalin jabisay madarasada Imaamu Bukhaari ee magaalada Buuhoodle.
Wariye Abdirahman Wadani
Email axmedyare1001@hotmail.com
Xafiiska Wararka Ee Shabakadda Horufadhi News Media
Buuhoodle Soomaaliya
Short URL: http://horufadhi.com/?p=23019
Posted by 
-
Designed by
Maasha’Allaaaaaaah ilaahay haydin barakeeyo oo haydin ka dhigo kuwa ku fara adayga oo mar kasta xifdisanaada barashadaa qur’aanka kariimka ah ee aad juhdiga ku bixiseen barakallaahu fiikum.